Disney publikon trailerin e ri të filmit Moana 2

Kompania kinematografike Disney ka publikuar trailerin e ri të filmit shumë të dashur vizatimor Moana 2. Projekti rikthen zërin e aktorit të njohur Dwayne Johnson dhe Auli’i Cravalho.

“Pas marrjes së një telefonate të papritur nga paraardhësit e saj që gjejnë rrugën, Moana duhet të udhëtojë në detet e largëta të Oqeanisë dhe në ujërat e rrezikshme dhe të humbura prej kohësh për një aventurë ndryshe nga çdo gjë me të cilën është përballur ndonjëherë”, thuhet në një deklaratë për shtyp, e cila i njeh lexuesit me atë që do të gjejnë në filmin e ri.

Në këtë skenë emocionuese, Moana duket se edhe një herë lundron larg shtëpisë së saj. Megjithatë, në ndryshim nga filmi i parë, këtë herë ajo është përshëndetur nga i gjithë fshati duke përfshirë prindërit e saj, të cilët mbajnë një fëmijë në krahë. Kjo skenë lë të kuptohet se në projektin e ri kinematografik do të ketë risi.

Në shkurt të këtij viti shefi ekzekutiv i kompanisë Disney, Bob Iger, konfirmoi se po punohej për vazhdimin e filmit të animuar. Filmi Moana 2 do të dalë në kinema më 27 nëntor.