Kape radion!

“Gmail po mbyllet! Lajmi që shqetësoi përdoruesit!

27/02/2024

Motorri i kërkimit në internet “Google” është “detyruar” të deklarojë publikisht se posta elektronike Gmail nuk është mbyllur, pas një informacioni të rremë të shpërndarë në internet.

“BBC” ka raportuar se të paktën 7 milionë herë është parë një postim i shpërndarë në rrjetin social “X” ku thuhej se “Gmail do të mbyllet në gusht”.

Google e përgënjeshtroi informacionin në X, duke shtuar se Gmail “është këtu për të qëndruar”.

“Shumica e njerëzve besojnë atë që shohin në internet dhe ka mungesë të mjeteve dhe proceseve për t’i verifikuar faktet”, ka thënë Richard Bagnall, ekspert i komunikimit.

Ai ka shtuar se rrjetet sociale po veprojnë pa përgjegjësi dhe po dërgojnë informacione të pafiltruara tek audienca.

“Ky incident i “Gmail” nuk do të jetë rasti i fundit që do ta shohim”, ka theksuar Bagnall.

Using Gmail labels, colors & filters to sort important emails