Zvicra: Reagimi i Izraelit ndaj sulmeve të Hamasit duhet të jetë proporcional

Ministri i Jashtëm i Zvicrës deklaroi të premten se Izraeli kishte të drejtë të mbrohej pas një sulmi vdekjeprurës nga Hamasi, por theksoi se përgjigja e tij duhet të jetë “proporcionale”.

Deklaratën, Ignazio Cassis e dha gjatë një konference për shtyp, ku konfirmoi vdekjen e një zvicerani në Izrael, shkruan Reuters.

“Ajo që ne po bëjmë është të bëjmë thirrje që ligji ndërkombëtar humanitar të respektohet duke njohur të drejtën legjitime të Izraelit për mbrojtje,” tha Cassis.

“Ata duhet të gjejnë një përgjigje proporcionale,” shtoi ministri.

Cassis shtoi se Këshilli Federal qeverisës i Zvicrës, e njeh Hamasin si një “organizatë terroriste”.