Situata në veri të Kosovës, PE: Përgjegjësit e sulmit, para drejtësisë

Parlamenti Europian i kushtoi një seancë të jashtëzakonshme zhvillimeve në veri të Kosovës pas sulmit ndaj policisë në Banjskë.

Në një seancë ku mungonte shefi i politikës së jashtme të BE-së, Josep Borrell dhe i dërguari për dialogun Miroslav Lajçak, Komisioneri evropian për Menaxhimin e Krizave, Janez Lenarçiç, theksoi se autorët e sulmit te 24 shtatorit ndaj Policisë së Kosovës duhet që të vihen para drejtësisë.

Ai gjithashtu theksoi se retorika nga Beogradi sa i përket 24 shtatorit është tejet shqetësuese, ndaj shumica dërrmuese e eurodeputetëve bënë thirrje për ndëshkimin me sanksione të Serbisë.

Ndërkohë zëdhënësi i Shtëpisë së Bardhë për Sigurinë Kombëtare, John Kirby konfirmoi të martën se Serbia ka filluar tërheqjen e forcave ushtarake.