Çmimi Nobel për Fizikë u jepet tre shkencëtarëve

Krijimi i impulsive të dritës që mund të përdoren në proceset e shpejta, ku elektronet ndryshojnë energjinë, u vlerësua me çmimin Nobel. Puna kërkimore u krye nga tre shkencëtarët: Pierre Agostini, Ferenc Krausz dhe Anne L’Huillier.

3 fizikantët e morën këtë çmim pas studimit të dinamikës së elektroneve në materie.

“Eksperimentet e tyre i kanë dhënë njerëzimit mjete të reja për të eksploruar botën e elektroneve brenda atomeve dhe molekulave”, u shpreh juria teksa shpalli edhe emrat e fituesve.

Ata përfituan së bashku çmimin prej 823 mijë paundësh.

Ky është Nobeli i 117-të që jepet në Fizikë që nga viti 1901 ndërsa shkencëtarja Anne L’Huillier është gruaja e pestë që merr këtë vlerësim.

Çmimi i Fizikës vjen një ditë pasi Katalin Karikó dhe Drew Weissman fituan çmimin Nobel në mjekësi për zbulimet që mundësuan krijimin e vaksinës kundër Covid.