Taylor Swift dhe Shakira kurorëzohen në MTV Video Music Awards

Megaylli amerikan i pop-folk-ut, Taylor Swift dhe artistja kolumbiane Shakira u kurorëzuan si mbretëreshat e MTV Video Music Awards 2023 në Nju Jork.

Çmimi për këngën më të mirë, muzikën më të mirë pop, regjinë më të mirë dhe çmimin për videoklipin më të mirë për hitin e saj “Anti-Hero”, Taylor Swift fitoi katër çmime në MTV.

”Është e pabesueshme”, tha superylli multimilioner dhe dhjetëra milionë abonentë në rrjetet sociale, duke marrë çmimin më të rëndësishëm të mbrëmjes, atë të videoklipit më të mirë, të cilin ajo e kishte fituar edhe në vitin 2022.

Një tjetër yll i vitit, artistja Shakira, në moshën 46-vjeçare, fitoi çmimin më prestigjioz të mbrëmjes, atë të ”Video Vanguard”, që shpërblen risitë në industrinë e regjistrimeve audiovizive.

 

 

E veshur me një fustan të gjatë, këngëtarja kolumbiane tha mes të tjerash ”faleminderit MTV. Faleminderit që keni luajtur një rol kaq të rëndësishëm në karrierën time që kur isha 18 vjeçe.

Ishte reperi Lil Wayne, me origjinë nga Harlem, ai që hapi edicionin vjetor të MTV VMA.

Ai u shpërblye me një çmim për karrierën e tij të gjatë në rep.

“Është kaq surreale. Unë e fillova si një shpërndarës gazetash”, tha reperi 53-vjeçar.

Artistja hip hop e Nju Jorkut, Nicki Minaj, i vuri flakën ”Neward Stadium” për të dytin vit radhazi, ku performoi live këngën e saj të re “Last Time I Saw You”, që do të shfaqet në albumin e saj të ardhshëm, i planifikuar për publikim në nëntor.

Nicki Minaj fitoi albumin më të mirë hip-hop të martën mbrëma për “Super Freaky Girl”.

Çmimi për R&B më të mirë shkoi për artistin SZA, i cili nuk ishte i pranishëm, ndërsa grupi koreano-jugor ”Stray Kids” fitoi çmimin për K-pop-in më të mirë.

Nigeriani Rema fitoi çmimin për muzikën më të mirë afrobeats, një kategori e re, për këngën e tij “Calm Down” me Selena Gomez.

Kënga i kaloi një miliard klikimet në Spotify gjatë fundjavës.