Nënë e bijë gati të shkruajnë historinë: Gjithçka gati për fluturimin në hapësirë

Anastasia Mayers dhe ëma e saj, Keisha Schahaff, do të jenë dyshja e parë nënë-bijë që do të shkojnë në hapësirë këtë javë.

Anastatia, e cila do të jetë personi i dytë më i ri që do të shkojë në hapësirë, thotë se do ta përdorë këtë përvojë për të frymëzuar të tjerët.

“Unë shpresoj që njerëzit të më shikojnë dhe të më mbështesin. Qëllimi im është të thyej çdo pengesë që i vendosim vetes ose që bota na vendos neve.

Dua që njerëzit të dinë se nuk ka rëndësi se nga vini apo se kush jeni, ëndrra juaj është ëndrra juaj dhe ju mund ta realizoni atë, pavarësisht nga çfarë thotë dikush tjetër”, është shprehur ajo.

Dyshja e grave do udhëtojë së bashku me ish-olimpistin, Jon Goodwin. Ai do të jetë personi i dytë me Parkinson që do të shkojë në hapësirë.