Fotot magjike/ Statuja e Jezusit në Rio de Zhaneiro, mban hënën mbi duar!

Efekt magjik pati kokëfortësia e fotografiit Leonardo Sens në Brazil, i cili pas tre vitesh përpjekje të dështuara arriti të kapte një panoramë unike.

Në foton e tij që u bë virale pasi u postua në Instagram, në Rio de Zhaneiro shihet statuja e Jezusit që ngre me duar hënën.

Sens, i cili ka fotografuar pjesë të ndryshme të Rios që nga viti 2005, shpjegoi se ishte përgatitur për fotot duke studiuar lëvizjet e hënës.

Për të njëjtën arsye, ai bleu disa lente të reja dy vjet më parë, ndërsa përdorte aplikacione të ndryshme për të ditur saktësisht se kur hëna do të jetë drejtpërdrejt mbi statujën e Jezusit, një nga monumentet ikonike në Rio de Zhaneiro.