Nipi i John Kennedy shpall kandidaturën për president duke sfiduar Biden

Robert F Kennedy Jr ka paraqitur dokumentet zgjedhore për të kandiduar në zgjedhjet presidenciale në SHBA në vitin 2024, si demokrat.

69-vjeçari është djali i senatorit të vrarë Robert F Kennedy dhe nipi i presidentit John F Kennedy.

Arkëtari i fushatës së avokatit mjedisor, John E Sullivan, konfirmoi kandidimin të mërkurën.

Kennedy është një aktivist i hapur kundër vaksinave. Instagram hoqi llogarinë e tij në vitin 2021 për “shpërndarjen e vazhdueshme të pretendimeve të mohuara”, tha kompania.

Të dyja partitë demokratike dhe republikane zhvillojnë garat e tyre – të quajtura paraprake – për të gjetur kandidatin e tyre presidencial.

Presidenti Joe Biden ka treguar se do të kandidojë për rizgjedhje, megjithëse ende nuk e ka deklaruar zyrtarisht kandidaturën e tij.

Ai pritej të niste fushatën në fillim të prillit, por ndihmësit thonë se afati kohor është ndryshuar.

CBS News, raporton se ai pritet të shpallë zyrtarisht një garë në fillim të verës.

Muajin e kaluar, një tjetër demokrate, Marianne Williamson, iu bashkua garës presidenciale.

Nga ana republikane, Donald Trump ishte i pari që deklaroi kandidaturën e tij dhe atij i janë bashkuar të tjerë, përfshirë ish-ambasadoren e SHBA në Kombet e Bashkuara, Nikki Haley.

Në mars, Kennedy tha në Tëitter se po konsideronte një kandidim për president

Në atë kohë, ai tha: “Nëse unë kandidoj, prioriteti im kryesor do të jetë t’i jap fund bashkimit korruptiv midis pushtetit shtetëror dhe korporatës që ka shkatërruar ekonominë tonë, ka shkatërruar klasën e mesme, ka ndotur peizazhet dhe ujërat tona, ka helmuar fëmijët tanë dhe ka grabitur vlerat dhe liritë tona”.