OKB, marrëveshje historike për të mbrojtur natyrën

Një marrëveshje e re për mbrojtjen e natyrës është firmosur në samitin e OKB-së për biodiversitetin, COP 15.

Plani “historik” do të vendosë nën mbrojtje 30% të planetit deri në fund të dekadës.

Do të ketë gjithashtu objektiva për mbrojtjen e ekosistemeve jetike, si pyjet dhe ligatinat.

Marrëveshja u finalizua në orët e para të së hënës në Montreal të Kanadasë.

Ja për çfarë është rënë dakord:

– Ruajtja, përmirësimi dhe restaurimi i ekosistemeve, duke përfshirë ndalimin e zhdukjes së specieve dhe ruajtjen e diversitetit gjenetik të popullatave të kafshëve të egra.

– “Përdorimi i qëndrueshëm” i biodiversitetit në thelb, duke siguruar që speciet dhe habitatet të mund të ofrojnë shërbimet për njerëzimin, si ushqimi dhe uji i pastër, pa u shkatërruar.

– Sigurimi që përfitimet e burimeve nga natyra, si ilaçet që vijnë nga bimët, të ndahen në mënyrë të drejtë dhe të barabartë dhe që të drejtat e popujve indigjenë të mbrohen.

– Pagesa dhe vendosja e burimeve në biodiversitet: Sigurimi që paratë dhe përpjekjet për ruajtje të arrijnë atje ku nevojiten, veçanërisht në vendet më të varfra dhe më të larmishme biologjike.

Samiti në Montreal ishte konsideruar si shansi i fundit për ta vënë natyrën në rrugën e rimëkëmbjes.