“The Woman King” filmi që ka përkufizuar karrierën e Viola Davis!

Realizimi i filmit, “The Woman King”, mori kohë për t’u xhiruar, por aktorja Viola Davis thotë se pritja për këtë projekt ia vlejti.

“Në jemi në qendër të tregimit. Gratë me ngjyrë, me flokë të çuditshme, gratë zezake.

Në këtë film nuk ka shpëtimtarë të bardhë. Ne nuk jemi mikesha të ngushta me askënd, e kemi autonominë tonë dhe agjencinë tone. Është një tregim femëror por edhe i fuqishëm.

Për mua, mund të them se është filmi i cili e ka perkufizuar karrierën time”, tha Davis.

“The Woman King” është një film epik dhe aksion i realizuar me një buxhet prej 50 milionë $. Ngjarja zhvillohet në Afrikën Perëndimore në vitin 1820, dhe flet për një ushtri të grave në mbretërinë Dahomey.
Krijuar kryesisht nga gratë dhe me një kastë aktoresh pothuajse të gjitha afrikano- amerikane, “The Woman King” është ndryshe nga çdo gjë që Hollywoodi e ka prodhuar deri më tani.

Filmi “The Woman King” ka nisur te shfaqet nëpër kinema nga data 16 shtator.