Një film për Amedeo Modiglianin, me regjinë e Johnny Depp!

Johnny Depp dhe Al Pacino pritet të realizojnë një film për Amedeo Modigliani, piktori italian që vdiq në varfëri në vitin 1920, por që më vonë u bë i famshëm për pikturat e tij nudo me fytyra dhe me gjymtyrë të zgjatura.

Në vitet 80’, Al Pacino dëshironte të bënte një film për piktorin  së bashku me regjisorin e njohur, Martin Scorsese, por në fund ata e braktisën projektin.

Filmi do të përshtatet nga drama e Denis McIntyre, “The Modigliani”, e cila u botua në vitin 1979.

Ngjarjet  zhvillohen  në vitin 1916 gjatë një periudhe krize në jetën e piktorit dhe shfaqen  gjithashtu artistët e tjerë Maurice Utrilo dhe Chaim Sutin, si dhe poeten Beatrice Hastings, e cila ishte e dashura e Modiglianit në atë kohë.

Ende nuk behen me dije detaje te tjera mbi kastin apo nisjen e xhirimeve.

Ky do të jetë filmi i dytë i Deppit si regjisor, 25 vjet pasi drejtoi filmin “Brave”, ku luajti së bashku me legjendën Marlon Brando, ndërsa  Al Pacino do të jetë producent i filmit.