“Leica” dhe “Xiaomi” bëhen bashkë për një telefon ekstravagant!

Telefoni  i ardhshëm “Xiaomi 12 Ultra”  do të jetë një dëshmi që do të tregojë se çfarë mund të prodhojnë “Xiaomi” dhe “Leica” së bashku.

“Xiaomi 12 Ultra” pritet në muajin korrik, vetëm disa muaj pasi u njoftua partneriteti mes “Xiaomi” dhe “Leica”. Telefoni inteligjent do të ketë pothuajse të njëjtin pajisje kamere si “Mi 11 Ultra”, që do të thotë një kamerë kryesore 50 MP me stabilizim optik dhe një sensor të ri, një modul telefoto 48 MP 5x dhe një kamerë ultra të gjerë 48 MP.

Kamera selfie duhet të jetë i njëjti modul 20 MP që ka modeli Ultra i vitit të shkuar, ndërsa paneli i ekranit është marrë nga modeli “Xiaomi 12 Pro”.

Bëhet fjalë për një panel LTPO AMOLED 6,7 inç me rezolucion QHD + dhe një shpejtësi rifreskimi prej 120 Hz.

Telefoni do të fuqizohet nga një bateri 4800 mAh që do të mbështesë karikim të shpejtë 67W me tela dhe 50W pa tel.

Modeli Pro i këtij viti mbështet karikimin me tela 120 W.

Pajisja do të mbajë një etiketë Leica me një teksturë lëkure në anën e pasme dhe një logo të kuqe “Leica”.