“Nokia” pritet së shpejti të vijë me një telefon premium

“HMD Global”, e cila prodhon telefonat “Nokia”, nuk ka prodhuar nën markën Nokia prej
disa kohësh. Kompania madje deklaroi disa kohë më parë se nuk planifikon të prodhojë
telefona të nivelit të lartë “Nokia” në të ardhmen e afërt. Megjithatë, tani një raport
sugjeron se kompania është duke punuar në një pajisje premium. CNMO shkruan se
HMD Global është duke punuar për një telefon që do të quhet “Nokia N73”. Pajisja do
të ketë pesë kamera në anën e pasme dhe një blic të dyfishtë. Raporti thotë se sensori
kryesor i kamerës mund të jetë “ISOCELL HP1 200 MP i Samsungut. Kompania
prezantoi këtë sensor të kamerës vitin e shkuar, por ende nuk ka debutuar me  një telefon
inteligjent. Ky sensor i kamerës është i aftë të regjistrojë video 8K në 30 korniza. “HMD
Global” prezantoi telefonin e fundit Nokia në fillim të vitit 2019. Më pas u prezantua
Nokia 9 PureView.