Roterdami do çmontojë urën historike që të kalojë jahti i Jeff Bezos

Bashkia e Roterdamit ka vendosur të çmontojë urën historike të qytetit që të kalojë jahti superluksoz i miliarderit Jeff Bezos.

Jahti i njeriut më të pasur në botë po ndërtohet nga firma holandeze Oceanco, është 127m i gjatë dhe aq i lartë sa të mos e zërë ura Koningshaven.

Një zëdhënës i Bashkisë tha se pjesa e mesit e urës e quajtur “De Hef” do të hiqet për të lejuar kalimin e jahtit.

Bashkia tha se vendet e punës të krijuara nga ndërtimi i anijes nxitën planin dhe u zotua që ura do të rindërtohej në formën e saj aktuale.