500 investitorë të huaj, më 27 Mars në Tiranë

Mbi 500 investitorë ndërkombëtarë, 200 investitorë shqiptarë dhe rreth 30 eksportues shqiptarë do të mblidhen së bashku me 27 Mars në Tiranë në aktivitetin më të rëndësishëm “Match Maker Albania 2025”.

Në këtë ngjarje të rëndësishme për zhvillimin e bizneseve do të jenë 20 shtete të përfaqësuara nga institucione dhe biznese dhe do të jenë 30 projekte private dhe shtetërore për të investuar.

Ndër të tjera kjo ngjarje është një mundësi e jashtëzakonshme për të prezantuar investimet vendase dhe të huaja në Shqipëri, si dhe për të shfaqur potencialin e vendit tonë dhe për të krijuar bashkëpunime të reja me kompanitë globale.

Pjesëmarrja e eksportuesve shqiptarë në “Match Maker Albania 2025” paraqet gjithashtu mundësi për krijimin e lidhjeve strategjike me blerës dhe partnerë ndërkombëtarë.