Nderohet me çmimin e karrierës. Johnny Depp në Romë!

Ai është një prej figurave më kontroverse dhe njëherësh më të dashura të industrisë së filmit.

Mes përpjekjesh për ta trazuar rrugëtimin e tij në ekranin e madh, sërish e ka gjetur shtegun drejt së vërtetës së tij.

Johnny Depp është nderuar së fundi nga Festivali i Filmit në Romë, me trofeun e veçantë për arritjet në karrierë.

Aktori ishte i pranishëm në tapetin e kuq bashkë me kastin e aktorëve të filmit të tij të fundit si regjisor, “Modi:Three Days In The Wing Of Madness”.

Përveç  premierës së filmit që u shfaq në festival, u mbajt edhe ceremonia e dorëzimit të trofeut për aktorin.

E gjitha si një vlerësim për të gjithë kontributin e tij të jashtëzakonshëm në botën e filmit, si aktor por edhe si një artist shumë përmasor, piktor, instrumentist, vokalist.

Elsa Ymeri (c)