Këngëtarja australiane Sia, kërkon zyrtarisht divorcin!

Sia ka kërkuar zyrtarisht divorc nga bashkëshorti i saj, Daniel Bernad, pas dy vjetësh martesë.

Sipas revistes “People” dokumentet e divorcit u dorëzuan së fundi, në Los Angeles.

Artistja emri i vërtetë i të cilës është Sia Furler, ka përmendur “dallimet e pakapërcyeshme” si arsye të ndarjes.

Në dokumentet gjyqësore u zbulua gjithashtu se këngëtarja ka mirëpritur në heshtje fëmijën e saj të tretë, dhe të parin me Bernad, më 27 mars 2024.

Sia dhe Daniel Bernad janë martuar në muajin dhjetor të vitit 2022 dhe kanë organizuar një ceremoni private në Portofino, Itali, në muajin maj të vitit 2023, me vetëm gjashtë të ftuar të pranishëm.

Këngëtarja ende nuk ka bërë një deklaratë publike për lindjen e fëmijës së saj të tretë.

Megjithatë, në një intervistë për “SiriusXM”  në vitin 2020, ajo pati treguar për përvojën e adoptimit të dy djemve adoleshentë.
“Në fakt, adoptova dy djem vitin e shkuar.

Ata ishin të dy 18 vjeç, tani janë 19. Ishin në prag të daljes nga sistemi i kujdestarisë. Po, dhe i dua shumë”, pati thënë ajo.