Finlanda ndalon celularët në shkolla!

Finlanda ka miratuar legjislacionin për të kufizuar përdorimin e telefonave dhe pajisjeve të tjera celulare gjatë ditës së shkollës.

Mes frikës për ndikimin e tyre në mirëqenien dhe të nxënit e nxënësve.

Sipas ndryshimeve, të cilat u miratuan nga parlamenti finlandez së fundi dhe do të hyjnë në fuqi më 1 gusht, pajisjet celulare do të kufizohen shumë gjatë orarit të mësimit.

Nxënësve do t’u lejohet t’i përdorin ato vetëm me lejen e mësuesit për qëllime shëndetësore ose mësimore.

Finlanda është vendi i fundit evropian që vendos kufizime ligjore për përdorimin e telefonave dhe pajisjeve të tjera celulare në shkolla, mes provave në rritje të ndikimit të tyre tek fëmijët dhe të rinjtë.

Më parë këtë vit, Danimarka tha se do të ndalonte telefonat celularë nga të gjitha shkollat.