Deklarata befasuese…”Telefonat tanë mund të përgjohen pa e ditur ne”

04/10/2024

“Cox Media Group” (CMG) kishte bërë një pranim befasues, duke zbuluar se telefonat inteligjentë dëgjojnë në mënyrë aktive bisedat e përdoruesve për të ofruar reklama të synuara.

Ky zbulim erdhi gjatë një prezantimi para investitorëve, disa ditë më parë, ku firma e marketingut – klientët e profilit të lartë të së cilës përfshijnë Facebook dhe Google – prezantoi softuerin e saj “Active Listening”.

Siç theksohet, softueri përdor Inteligjencën Artificiale (AI) për të mbledhur të dhëna zanore në kohë reale nga bisedat e përdoruesve, duke i çiftuar ato me të dhënat e sjelljes për të krijuar reklama të personalizuara për klientët në treg.

Më 26 gusht, CMG konfirmoi se mikrofonat në telefonat inteligjentë të përdoruesve po përdoren për shënjestrimin e reklamave, duke shkaktuar shqetësime për privatësinë.

The truth about cell phone “spying”: Can our phones really listen to us? — MercoPress

Në përgjigje të polemikave, një zëdhënës i Meta përsëriti: “Meta nuk përdor mikrofonin e telefonit tuaj për reklama dhe ne e kemi pasur të qartë këtë për vite me radhë”.

“Ne po kontaktojmë Cox Media Group për të siguruar që programi i tyre nuk po përdor meta të dhënat tona”.

Polemika lidhet me dyshimet e gjata nga përdoruesit të cilët pretendojnë se kanë parë reklama për produkte menjëherë pasi i përmendën ato në biseda të rastësishme, pavarësisht se nuk i kanë kërkuar kurrë ato në internet.

Written by: Elsa Ymeri