CEO i Instagramit, Adam Mosseri shpegon si të rrisni shikueshmërinë në platformë!

CEO i Instagramit, Adam Mosseri, ka zbuluar se një nga praktikat më të zakonshme të përdoruesve për të rritur shikimet dhe ndërveprimet – përdorimi i hashtagëve – nuk ka efektin që mendohet.

Adam Mosseri, 42 vjeç, i cili ka udhëhequr aplikacionin e mediave sociale në pronësi të Meta që nga viti 2018, ndau “disa sekrete për të optimizuar praninë e përdoruesve në platformë”.

Në një intervistë për “DailyMail”, Mosseri theksoi se hashtagët nuk luajnë një rol kyç në shpërndarjen e përmbajtjes apo në rritjen e ndërveprimit.

Deklarata e tij nënvizon rëndësinë e krijimit të përmbajtjes cilësore dhe ndërtimit të një audience të angazhuar në mënyrë natyrale, në vend të mbështetjes tek strategjitë e vjetruara.