Ariana Grande:”Fama, thikë me dy presa”.

Këngëtarja e njohur Ariana Grande ka treguar se si e ka menaxhuar stresin dhe sfidat që vijnë me famën, duke theksuar rëndësinë e terapisë psikologjike për t’u kujdesur për shëndetin mendor.

31-vjeçarja  ka arritur sukses të jashtëzakonshëm në karrierën e saj, por ajo e pranon se fama mund të jetë “thikë me dy tehe”. 

“Kam qenë shume me fat që kam pasur miq dhe familjarë të jashtëzakonshëm si dhe psikologe të jashtëzakonshme.

Ishte një periudhë e çmendur, gjithçka që doja ishte të këndoja dhe të vlerësohesha për punën time, por më dukej sikur sa më shumë që muzika ime bëhej e suksesshme, aq më shumë njerëz përpiqeshin të më shkatërronin”, ka thënë ajo në një intervistë për “The Hollywood Reporter”.

Grande ka thënë se beson që duhen marrë më shumë masa mbrojtëse për yjet e rinj të industrisë së argëtimit.

“Kam folur për masat mbrojtëse që mendoj se duhet të merren”, ka thënë ajo.

Kur u pyet nëse yjet e rinj duhet të kenë psikolog, ylli ka pohuar.

“Po, dhe jo vetëm kaq. Ëndërroj  për një botë ku nuk do të ishte e mundur të hyje në industrinë e argëtimit pa e pasur të shkruar në kontratë, qoftë me shtepine diskografike  apo me kompaninë, që do të ketë terapi me psikolog disa herë në javë dhe një sistem mbështetës”, ka thënë Grande.