“Apple” i surprizoi të gjithë me prezantimin e pajisjes së fundit!

Ende pa kaluar një muaj që kur prezantoi iPhone-in më të fundit, “Apple” tashmë ka të gatshme një pajisje të re për ta nxjerrë në treg.

Gjiganti amerikan zbuloi gjeneratën e 7-të të iPad Mini – përditësimi i parë i kësaj linje të produktit për më shumë se tre vite.

Kjo pajisje 650 $ ka një ekran 8.3-inç dhe jetëgjatësia e baterisë është përmirësuar – duke i mundësuar përdoruesve që të përdorin edhe “Apple Pencil Pro”  që u publikua  në maj dhe që kushton 168 $.

iPad vihet në funksion nga çipi A17 Pro, që do të thotë se do të ketë të integruar edhe “Apple Intelligjence”.

“Apple Intelligence”  është kompleti i ri i softuerit të inteligjencës artificiale të firmës që përfshin redaktimin e imazheve, ‘Genmoji’ dhe një integrim me ChatGPT.

“Apple”  zbuloi pajisjen e re në një postim në blog, duke e quajtur atë iPad Mini më ‘i aftë dhe më i gjithanshëm’ ndonjëherë.