Turqia mohon ndërhyrjen në zgjedhjet në Izrael: Pretendimet janë të pabazuara

Turqia ka hedhur poshtë pretendimet e publikuara në disa media ndërkombëtare dhe në rrjetet sociale se ka ndërhyrë në zgjedhjet e fundit në Izrael, duke i cilësuar ato si tërësisht të pabazuara.

Qendra për Luftimin e Dezinformimit pranë Drejtorisë së Komunikimeve të Turqisë deklaroi në platformën NSosyal se këto raportime janë pjesë e një fushate të qëllimshme për përhapjen e informacionit të rremë dhe ndikimin në opinionin publik.

Reagimi i Ankarasë vjen në një kohë kur Izraeli përballet me vështirësi për sigurimin e shumicës parlamentare të nevojshme për formimin e qeverisë së re, pas zgjedhjeve të zhvilluara të martën.

Meqë asnjëri prej dy blloqeve kryesore nuk ka siguruar 61 mandatet e nevojshme në parlamentin me 120 vende, situata politike në Izrael mbetet e paqartë për sa i përket formimit të qeverisë së ardhshme.