Stuhia e fuqishme në bregun lindor të SHBA-së, anulohen 400 fluturime, mbi 100 mijë biznese e banesa pa energji elektrike

Një stuhi e fuqishme goditi bregun lindor të SHBA-së duke i detyruar banorët të përgatiteshin për rrezikun e përmbytjeve të mëtejshme. Rrugë dhe prona të ndryshme u përmbytën në Long Island të Nju-Jorkut. Stuhia e fuqishme detyroi kompanitë ajrore të anulonin mbi 400 fluturime dhe la pa energji elektrike më shumë se 100,000 shtëpi e biznese.

“Kjo stuhi është po aq e rëndë sa ajo që patëm pak para Krishtlindjeve të vitit 2022. Kemi pasur shumë reshje dhe jam disi i shqetësuar për atë që do të ndodhë sonte dhe nesër në mëngjes.”-u shpreh një tjetër banor vendas.

Të premten (25 shtator), guvernatorët e Nju-Jorkut dhe Nju-Xhersit shpallën gjendjen e jashtëzakonshme në qarqet ku pritej të ndihej më së shumti ndikimi i stuhisë, përfshirë qytetin e Nju-Jorkut.