Dyshime për trafik droge dhe armësh, sulmuesi në Brazil rrezikon shumë

Sulmuesi i klubit të Serie A braziliane Vasco da Gama, David Correa i njohur si “DVD”, është vënë nën hetim nga policia.

Futbollisti akuzohet se është pjesë e një rrjeti kriminal që merrej me trafik droge, armësh dhe pastrim parash në disa vende të Brazilit.

Klubi brazilian reagoi përmes një deklarate zyrtare ku konfirmoi bashkëpunimin e plotë me autoritetet deri në zbardhjen e plotë të ngjarjes. Paralelisht, policia ka lëshuar 4 urdhër-arreste dhe 15 urdhra kontrolli në rajone të tjera si Espirito Santo, Goias, Sao Paulo dhe Distriktin Federal.