Rasti i Alvarezit, reagon Atletico: Nuk ka shanse të shkojë te Barça, çështje dinjiteti

Julian Alvarez vazhdon të jetë një nga lojtarët më të përfolur në këtë merkato. Shpërthimi i tifozëve ndaj sulmuesit dhe interesimi i Barcelonës e kanë tensionuar edhe më tepër situatën.

Presidenti i Barcelonës, Joan Laporta doli hapur këtë të mërkurë, duke shprehur interesimin për sulmuesin argjentinas.

“Lojtari po shihet si viktimë, por viktimat e vetme të rastit Julian jemi ne. Ata na kanë dëmtuar si financiarisht ashtu edhe nga ana sociale. Ka 0% shanse për ta shitur atë te Barça. Kjo situatë nuk është çështje parash, është çështje dinjiteti. Ka 0% shanse për ta shitur atë te Barça. Ka një fushatë plot me gënjeshtra dhe gjysmë të vërteta. I vetmi që do të paguajë pasojat është Atletico”, thuhet në reagim.