Ronaldinho, gati për aventurën e re

Kush do ta mendonte që në moshën 46‑vjeçare, 10 vite pasi vari këpucët në gozhdë, Ronaldinho do të rikthehej sërish të luante futboll? Pikërisht këtë të enjte, legjenda braziliane ka mbërritur në Itali për t’u prezantuar si lojtari më i ri i skuadrës së Ravenës, e cila është pjesë e Serisë C.

Sulmuesi mbërriti paradite me një avion privat në Milano dhe më vonë udhëtoi drejt Ravenës, ku në mbrëmje do të ketë një spektakël në prezantimin e tij dhe të gjithë ekipit.

Më shumë se kaq, ai do të jetë pjesë e klubit për të motivuar lojtarët e rinj dhe, mbi të gjitha, për të rikthyer pasionin dhe ëndrrën e madhe te tifozët për të tentuar ngjitjen në Serinë B.