Kërcim me skateboard në mes të eklipsit

Krahas eklipsit të djeshëm, vëmendje të veçantë në rrjetet sociale mori edhe ky kërcim spektakolar me skateboard i sportistit spanjoll Danny Leon.

31-vjeçari kishte vendosur një rampë në pozicion të veçantë që përkonte me harkun e poshtëm të hënës, që sapo i kishte zënë plotësisht pamjen diellit, mbrëmjen e të mërkurës.

Videoja u përhap me shpejtësi në rrjetet sociale, ndërsa në komente thuhej se këto ishin pamjet më të mrekullueshme të kapura gjatë eklipsit.

Ai shquhet për lëvizje spektakolare me skateboard në ambiente nga më të pazakontat, të cilat i publikon në rrjetet e tij sociale.