HISTORIKE! Lionel Messi bëhet golashënuesi më i mirë në Botëror

Lionel Messi vazhdon të shkruajë histori në Kupën e Botës. Kapiteni i Argjentinës shënoi golin e avantazhit në minutën e 38-të të ndeshjes ndaj Austrisë, duke lënë pas gabimin nga pika e penalltisë.

Ky realizim i dha Messit golin e 17-të në historinë e pjesëmarrjeve të tij në Kupën e Botës, duke vendosur një rekord të ri absolut.

Argjentinasi kaloi kështu Miroslav Klosen, i cili kishte ndaluar në kuotën e 16 golave. Për Messin ishte goli i katërt në këtë edicion të turneut, pas tripletës së realizuar në ndeshjen hapëse kundër Algjerisë.

Sulmuesi argjentinas ka shënuar tashmë në pesë edicione të ndryshme të Kupës së Botës, një arritje që e ka realizuar edhe Cristiano Ronaldo.

Me fanellën e Argjentinës, Messi numëron 121 gola në 201 paraqitje.