J.D. Vance: Marrëveshja me Iranin po stabilizon tregun e energjisë, bien çmimet e naftës në SHBA

Zëvendëspresidenti i Shteteve të Bashkuara, J.D. Vance, ka deklaruar se marrëveshja me Iranin ka filluar të japë efektet e saj në ekonominë amerikane, duke ndikuar në stabilizimin e tregut të energjisë dhe uljen e çmimeve të karburantit.

“12.5 milionë fuçi naftë kaluan nëpër Ngushticën e Hormuzit mbrëmë, niveli më i lartë i trafikut që nga fillimi i konfliktit”, u shpreh ai. Sipas tij, kjo rritje e qarkullimit të naftës ka ndihmuar në uljen e presioneve në tregjet ndërkombëtare dhe në rikthimin e çmimeve pranë niveleve para krizës.

Ai u shpreh optimist se ky trend i rënies së çmimeve do të vijojë edhe në periudhën e ardhshme, me një stabilizim të mëtejshëm të tregut të energjisë.