30 vite burg për Yoon Suk Yeol

Gjykata Qendrore e Rrethit të Seulit ka dënuar me 30 vite burgim ish-presidentin e Koresë së Jugut, Yoon Suk Yeol.

Vendimi lidhet me akuzat për urdhërimin e një inkursioni me dronë ushtarakë mbi Korene e Veriut.

Nga ana tjetër, Yoon Suk Yeol ka mohuar çdo përgjegjësi ligjore sa i përket incidentit me dronë. Mbrojtja ligjore e ish-presidentit pretendoi gjatë procesit se ai as nuk e kishte urdhëruar dhe as miratuar këte operacion.

Sipas avokatëve, fluturimi i dronëve nuk kishte lidhje me shpalljen e ligjit luftarak, por ishte një kundërpërgjigje ndaj lëshimeve disamujore “të balonave të mbushura me mbeturina” nga Koreja e Veriut.

Prokuroria kishte kërkuar masën e dënimit me 30 vite burg që në muajin prill, kërkesë e cila u pranua e plotë nga gjykata e shkallës së parë.