Zjarri në Toskanë, jashtë kontrollit

Zjarri i përmasave të mëdha që ka përfshirë rajonin e Toskanës në ItalI vazhdon të jetë jashtë kontrollit, ndërsa autoritetet janë përballur me kushte të vështira atmosferike.

Flakët, të cilat kanë shpërthyer që prej ditës së martë, janë përhapur në një sipërfaqe prej rreth 800 hektarësh në zonën malore të Monte Faeta.

Rreth 3 mijë banorë janë evakuar, ndërsa ekipet e emergjencës vijojnë përpjekjet për të vënë nën kontroll flakët.

Në operacion janë angazhuar dhjetëra zjarrfikës, të mbështetur edhe nga tre avionë zjarrfikës tip Canadair, të cilët po punojnë nga ajri.