Kryevepra kinematografike e 2025-ës titullohet “Frankenstein”

Guillermo Del Toro, kaloi mesatarisht 15 vite nga jeta  e tij, duke hulumtuar mbi veprën e Mary Shelby “ Frankenstein” përpara se ta ekranizonte atë.

Regjisori meksikan, i apasionuar pas historive me krijesa, solli këtë vit në ekranin madh me përfytyrimin dhe vizionin e tij gjenial ”Frankesnstein”.

Ky film është një poezi në lëvizje, një shpalosje  magjike, e detajuar dhe njëherësh e kujdesshme, me prekjen artistike të gjeniut Del Toro.

Një kast aktorësh zgjedhur me mjeshtëri, ku 28-vjecari Jacob Elrodi, është nën petkun e Frankenstein, ndërsa Oscar Isaac është krijuesi i tij.

Pjesë e kastit gjithashtu Mia Goth, e cila luan dy role në film.

Një qasje mjaft delikate ajo e Del Toros, për të portretizuar histori me krijesa që përçojnë ngrohtësi dhe empati, ndërsa të dëshmon pa sforco se bishat e vërtetë nuk janë ata.

Një laborator i vërtetë arti që shpërndan dritë dhe energji të jashtëzakonshme, një metaforë e gjallë e jetës, një tribut për monstrën e butë dhe njeriun e vrazhdë.

Del Toro i ka dhuruar ekranit të madh një kryevepër që rezonon në  çdo kohë.

 

Elsa YMERI (C)