Komisioni i Ekonomisë miraton pr/ligjin për rritjen e pagave, përfshirë ministrat dhe deputetët

Komisioni i Ekonomisë ka miratuar projektligjin e qeverisë për rritjen e pagave të të gjithë administratës shtetërore, me përjashtim të rrogave të ministrave e deputetëve.

Projektligji u prezantua në komision nga ministrja e Financave Delina Ibrahimaj, e cila mbajti të njëjtin qëndrim për të mos prekur pagat e deputetëve e ministrave në këtë fazë, por pasi të ketë përfunduar e gjithë reforma vitin e ardhshëm kur është dhe faza e dytë.

Por deputetët e opozitës e konsideruan absurd faktin që këshilltarët dhe drejtorët në Ministri të kenë rrogë më të lartë se vetë titullari i institucionit, që është ministri.

Por deputetët e Komisionit të Ekonomisë propozuan rritjen e pagës së deputetëve e ministrave me koeficientin 0.73.

Ky propozim së bashku dhe me paketën e Ministrisë së Financave për rritjen e pagave të të gjithë administratës, u votuan nga deputetët e shumicës dhe opozitës.

Drafti pritet të kalojë të enjten në Parlament.

KOEFICIENTËT E PAGAVE

Presidenti 0.925

Kryetari i Kuvendit 0.925

Kryeministri 0.925

Zv/kryeministri 0,775

Ministri 0.75

Deputeti 0,73

Anëtarët e Komisionit të Konkurencës 0,5

Anëtarët e Bordit 0.45