“iPhone” shumë shpejt do të flasë me zërin tuaj!

“Apple” ka prezantuar një sërë veçorish të reja të dizajnuara për qasje njohëse, vizuale, dëgjimore dhe celulare, duke përfshirë veçorinë “Personal Voice” për njerëzit që mund të humbasin aftësinë për të folur.

“Personal Voice” i lejon përdoruesit të “krijojnë një zë të sintetizuar që tingëllon si i tyri” dhe ta ruajnë atë në mënyrë që të mund të flasin me miqtë ose anëtarët e familjes edhe pasi të humbasin përfundimisht aftësinë për të folur.

Sipas “Apple”, përdoruesit mund të krijojnë një zë personal duke lexuar me zë të lartë një grup kërkesash teksti për një total prej 15 minutash në një iPhone ose iPad.

Meqenëse funksioni është i integruar me Live Speech, përdoruesit mund të shkruajnë atë që duan të thonë, pas së cilës Personal Voice do t’ia “lexojë/t’i flasë” kujtdo që duan.

Apple po prezanton gjithashtu versione të modernizuara të aplikacioneve të saj kryesore si pjesë e një veçorie të quajtur “Assistive Access”, e krijuar për të mbështetur përdoruesit me aftësi të kufizuara njohëse.

Funksioni është krijuar për të “sjell aplikacionet dhe përvojat më afër veçorive të tyre thelbësore për të lehtësuar ngarkesën njohëse”.

Këto përfshijnë një version të kombinuar të aplikacioneve Phone dhe FaceTime, si dhe versione të modifikuara të aplikacioneve Messages, Camera, Photos dhe Music që përmbajnë butona me kontrast të lartë, etiketa të mëdha teksti dhe mjete shtesë qasje.