Kape radion!

Cikloni më i fuqishëm në 14 vitet e fundit do të godasë Australinë

13/04/2023

Australia e kërcënuar nga cikloni më i fuqishëm në një dekadë - Top Channel

Një stuhi e fuqishme që po shkon drejt Australisë Perëndimore, është intensifikuar në një sistem të kategorisë së pestë. Cikloni i rëndë tropikal, Ilisa pritet të godasë Port Hedland, në veri të shtetit, të enjten vonë në mbrëmje.

Një alarm i kuq është lëshuar në të gjithë rajonin, me mijëra njerëz të cilët janë urdhëruar të strehohen menjëherë. Ndërsa Australia veriore nuk është e huaj për ciklonet, kjo stuhi parashikohet të jetë më e forta që goditur rajonin në 14 vjet.

“Bërthama shumë shkatërruese” e stuhisë do të sjellë erëra “ekstreme” deri në 315 km/h (195 mph) në pjesë të rajoneve Kimberley dhe Pilbara, tha Byroja e Meteorologjisë (BOM).

“Ka një kërcënim për jetët dhe shtëpitë. Jeni në rrezik dhe duhet të veproni menjëherë”, tha Departamenti i Shërbimeve të Zjarrfikësve dhe Emergjencave, kur alarmi i kuq u dha të enjten pasdite, sipas kohës lokale.

Banorët, duke përfshirë rreth 15.000 njerëz në Port Hedland, porti më i madh eksportues i mineralit të hekurit në botë, janë urdhëruar të strehohen brenda dhe të qëndrojnë larg dyerve e dritareve.

“Është tepër vonë për t’u larguar. Qëndroni në shtëpi derisa të bëhet e qartë nga autoritetet”, thuhet në paralajmërim.

Kryetari i bashkisë së Port Hedland, Peter Carter tha se qendrat e evakuimit ishin ngritur në qytet.

“Të gjithë janë në avantazh. Ata e kuptojnë se ciklonet janë ato që janë. Ato janë shumë të paparashikueshme”, ka thënë ai.

Rreth 700 banorë nga komuniteti i largët i Bidyadanga janë evakuuar, tha shërbimi i zjarrfikësve.

Written by: Sasha Ndreka