Çfarë është sindroma e mashtrimit nga e cila vuajnë të famshmit?

Sindroma e mashtrimit apo në gjuhën angleze e njohur si, “Imposter Syndrome”, ka ekzistuar që nga viti 1978 kur akademikët e Universitetit Shtetëror të Georgias e identifikuan një fenomen ku gratë e suksesshme kishin nivele të larta të dyshimit për veten.

Në të vërtetë, është më e zakonshme për gratë, veçanërisht për ato me arritje të larta.

Të pasurit sindromën e mashtrimit nuk do të thotë se është diçka negative.

Shumica e njerëzve inteligjentë, ambiciozë dhe punëtorë, zakonisht e përjetojnë këtë sindromë në një pikë të karrierës së tyre.

Ndonjëherë, të gjithë ballafaqohemi me ndjenjën se  ne nuk i meritojmë vërtet sukseset që i arrijmë me shumë punë dhe mund. Por me sa duket, kjo është një ndjenjë e zakonshme mes njerëzve të arritur, pra frika për t’u ekspozuar, se nuk e meritojnë suksesi, nuk jeni aq të mirë sa të tjerët dhe mund të zbulohet në çdo moment.

Në të vërtetë, psikologët në fillim të viteve ‘80 zbuluan se pothuajse 2 në çdo 5 njerëz të suksesshëm përjetuan ‘sindromën e mashtrimit’.

Përfshirë këtu personalitete të famshme si, skenaristi Chuck Lorre, shkrimtari bestseller Neil Gaiman, komediani Tommy Cooper, aktori Tom Hanks, aktoret Natalie Portman,Penelope Cruz,Lupita Nyong’o,gjyqtarja e Gjykatës së Lartë të SHBA-ve, Sonia Sotomayor, këngëtarja Lady Gaga, aktorja dhe ambasadorja e OKB-së, Emma Watson dhe të tjerë.

Dua Lipa ishte ajo që së  fundi bëri me dije në  një   intervistë  se vuante nga kjo sindromë.