“Gëzuar Krishtlindjet”. Mesazhi i parë që u dërgua në telefon bën 30-vjeç!

Mesazhi i parë me tekst nga telefoni po e feston ditëlindjen e 30-të – ishte i pari ndonjëherë që ishte dërguar tek një telefon mobil nga një inxhinier i “Vodafone” në Berkshire të Mbretërisë së Bashkuar me 3 dhjetor të vitit 1992.

Ky mesazh ishte dërguar në mënyrë që të testohej teknologjia në fjalë, dhe në atë mesazh shkruhej “Gëzuar Krishtlindjet”.

Neil Papworth, e dërgoi mesazhin tek një nga shefat e firmës, Richard Jarvis, i cili në atë moment ndodhej në një festë Krishtlindjesh. Neil nuk pranoi përgjigje.

Telefoni i Jarvis, “Orbitel 901”, i cili sapo kishte dalë në treg, kishte peshë prej 2.1kg – peshë e përafërt me 12 iPhone 14.

Në periudhën më të mirë, përdoruesit e telefonit shkëmbyen miliarda mesazhe SMS – ose Short Message Service – çdo vit, dhe në vitin 2010 fjala “sms” hyri në fjalor.

Ky shërbim përdoret ende, megjithëse platformat e mesazheve të koduara të bazuara në internet si WhatsApp dhe iMessage janë shumë më të njohura.