Kape radion!

Rikthehet “Emily In Paris”. Sezoni i tretë është gati të vijë në ekran!

05/12/2022

Aktorja Lily Collins rikthehet si protagoniste e serialit “Emily in Paris”.

Netflixi tashmë e ka publikuar trailerin e plotë të sezonit të tretë të komedisë shumë të suksesshme.

Kryepersonazhi, Emily Cooper, vazhdon të punojë në punën e saj të ëndrrave në kompaninë franceze të marketingut.

Por, tani ajo e gjen veten në një udhëkryq, duke zgjedhur mes partnerëve romantikë dhe mundësive profesionale.

Krahas aktores Lily Collins, në sezonin e tretë të serialit hit rikthehen edhe aktorët tjerë, Philippine Leroy-Beaulieu, Lucas Bravo, Ashley Park, Camille Razat, Samuel Arnold, Bruno Gouery, William Abadie dhe Lucien Laviscount.

Seriali pati kritika të përziera kur u shfaq fillimisht në platformë,madje shumë e cilësuan si një serial limonatë që nuk sjell më të mirën e Parisit. Megjithatë Emily dhe aventurat e saj në kryeqytetin francez kanë fansat e vet.

Sezoni i tretë i serialit “Emily In Paris” pritet të shfaqet në Netfix më 21 dhjetor.

Written by: Sasha Ndreka