Tim Burton: “Dua të bashkëpunoj sërish me Johnny Depp”

Tim Burton e ka bërë të qartë se do të dëshironte të punonte sërish me Johnny Depp, pavarësisht problemeve ligjore të aktorit me ish-bashkëshorten, Amber Heard, të cilat e kanë mbajtur atë larg ekranit të madh vitet e fundit.

Megjithatë, duket se lidhja që kanë të dy nuk prishet aq lehtë.

Karriera e Burton si regjisor e ka parë Depp të luajë në disa nga filmat e tij. ‘Edward Scissorhands’, ‘Charlie and the Chocolate Factory’, ‘Corpse Bride’ ose ‘Sweeney Todd: The Demon Berber of Fleet Street’, janë disa nga projektet në të cilat kanë punuar së bashku.

Bashkëpunimi i tyre i fundit ishte në vitin 2012, ‘Dark Shadows’.

E vërteta është se aktori nuk është shfaqur në shumë filma vitet e fundit, duke realizuar filma të vegjël si ‘Minamata’ pasi Hollywood nuk ka mundur të punojë me të.

Padia e famshme e Depp për shpifje kundër ish-bashkëshortes Amber Heard ishte ajo që e mbajti atë larg ekranit të madh.