IPhone-i i parë i palosshëm vjen në 2025-ën!

iPhone i parë i palosshëm nga “Apple”  mund të shfaqet në treg në vitin 2025, dhe atë pas prezantimit të iPad-it të palosshëm që pritet të prezantohet në vitin 2024.

Tableti i palosshëm aktualisht ka më shumë kuptim në raport me një telefon të mençur nga Apple, e për këtë ekzistojnë disa arsye.

Para se gjithash, iPhone i palosshëm sigurisht se do të ishte shumë i shtrenjtë dhe do të eklipsonte  modelet e tjera, e kompania hulumtuese “CCS Insight” vlerëson se çmimi do të mund të ishte më së paku 2.500 $.

Përveç kësaj, ekzistojnë gjasa që pajisja e parë palosëse nga “Apple” do të ketë probleme teknike, kështu kompania nuk dëshiron të rrezikojë me produktin më të rëndësishëm e ai është iPhone.

Gjithashtu vendosja e mekanizmit palosës do t’i jepte frymë të re linjës së iPad-it.

Shumë burime dhe patenta tregojnë që “Apple” po hulumton tregun e pajisjeve të palosshme, dhe se është çështje kohe kur do të prezantojë një nga ta, qoftë tablet apo telefon.