Fotot që “dogjën” rrjetet sociale! Selena Gomez dhe Hailey Bieber pozojnë bashkë!

Selena Gomez dhe Hailey Bieber e pushtuan internetin gjatë fundjavës. Ato ishin në mesin e të ftuarve të Muzeut të Akademisë, për edicionin e dytë të gala mbrëmjes së tyre të përvitshme.

Këngëtarja dhe modelja shpesh janë pjesë e mediave për shkak të lidhjes së tyre me Justin Bieber, i cili ishte në lidhjen romantike me Selenën për disa vjet, para se të martohej me Hailey-n.

Imazhet vijnë vetëm disa javë pasi e gjithë saga u rishfaq gjatë një interviste të Hailey Bieberit për podcastin, “Call Her Daddy”.

Biseda e hapur dhe e sinqertë e modeles rreth kësaj teme, kishte për qëllim që, më në fund, njerëzit ta dinin të vërtetën rreth asaj që kishte ndodhur, duke ua ofruar fansave mundësinë që ta dëgjojnë anën e saj të historisë.

Kështu, ajo tregoi për herë të parë nëse e kishte vjedhur Justinin nga Selena.