Marilyn Monroe në “Blonde”, një ekranizim emocional i një ikone larg prozhektorëve!

“Problemi im me burrat është se të gjithë duan të flenë me Marylin-in,por zgjohen me Norma Jean”.

Kështu do të shprehej Marilyn Monroe,kur e pyesnin vazhdimisht për jetën e saj dhe raportet personale.

Një jetë e trazuar e mbushur me sfida,me trauma që prej fëmijërisë,me luftën për t’i bërë të tjerët të besonin se ajo nuk ishte një guackë bosh me flokë bjond.

Gjithcka vjen në “Blonde” në filmin e regjisorit Andrew Dominik është një vështrim tjetër i dramave dhe shqetësimeve emocionale që kaloi në jetën e saj të shkurtër,por të vrullshme ikona Marylin Monroe. Ky është një vështrim intim pas perdeve të rënda dhe pasi fiken prozhektorët.

Ajo ishte Norma dhe hera-herës bezdisej nga identifikimi i vazhdueshëm me Marylin për të cilën thoshte se ishte një krijim i rremë që nuk i përkiste.

Mardhënia e keqe me të ëmën,mos prania e të atit në jetën e saj,dashuria me dramaturgun Arthur Miller,humbja e një fëmije,kompromiset që bëri për hir të rrugëtimit të saj në kinema dhe një vorbull misteresh dhe lëndimesh që ajo mori rrugës janë në qendër të asaj që prezanton “Blonde”.

Shumë e kanë cilësuar si një rrëfim të ekzagjeruar, dhe të pa gjasë,duke shkaktuar polemika që prej shfaqjes në “Netflix”  në fund të shtatorit.

Megjithatë,ajo për të cilën të gjithë bien dakord është aktrimi fenomenal i Ana De Armas,aktores spanjolle 34-vjecare,për të cilën,ky deri tani është roli i jetës!

Koncepti i regjisorit Andrew  Dominik e zbërthen si një ujë në vlim, dramën e brendshme të një njeriu të adhuruar publikisht,por tejet të brishtë dhe të pafuqishëm në shumë dimensione.

“Blonde” është rrugëtimi më fin i një drame i sjellë kohët e fundit në ekranin e madh,një emocion i gjallë i paprekur nga filtra kinemaje.

(C) Elsa YMERI

all rights reserved

NDALOHET KOPJIMI I KETIJ MATERIALI PA CITIM