Instagram i fshin Pornhub-it llogarinë për shkelje, në mënyrë të pakthyeshme!

Llogaria e “Pornhub” është fshirë përgjithmonë nga Instagrami pas disa javësh pezullimi për shkelje të disa herë të politikave.

Kompania “Meta”  pretendon se, gjatë dekadës së fundit, “Pornhub” ka shkelur në mënyrë të përsëritur kushtet e shërbimit në lidhje me lakuriqësinë, përmbajtjen e të rriturve dhe nxitjen seksuale.

Megjithatë, nuk specifikoi se si saktësisht, përtej asaj që tha për “New York Post” se llogaria kohët e fundit ka shkelur rregullat kundër nxitjes seksuale duke inkurajuar përdoruesit e Instagramit të largohen nga platforma e mediave sociale dhe të vizitojnë një faqe pornografike.

Si përgjigje, “Pornhub” publikoi një letër të hapur në rrjetin social ” Twitter”, duke e quajtur këtë veprim të padrejtë.

Gjithashtu i ka  bërë presion “Meta”-s që të shpjegojë qartë se pse llogaria e saj dhe ajo e krijuesve të tjerë të përmbajtjeve për të rritur fshihen vazhdimisht.

“Pornhub” argumenton se zbatimi i politikave të Instagramit në lidhje me platformën ka qenë “i errët, diskriminues dhe hipokrit” gjatë viteve.