Të dyja kënduan në festivalin “Rock In Rio”. A pati kontakt mes Rita Orës dhe Dua Lipës?

Prej shumë kohësh përflitet se  Rita Ora dhe Dua Lipa nuk kanë një raport të mirë.

Pavarësisht famës dhe suksesit ndërkombëtar, ato nuk janë parë asnjëherë bashkë dhe asnjëra prej tyre nuk ka treguar se çfarë ka ndodhur.

Megjithatë, dashur pa dashur ata janë bërë “bashkë” në Brazil pasi kanë qenë të ftuara të performojnë në festivalin “Rock In Rio 2022”.

Megjithatë  nuk ka asnjë dëshmi për ndonjë kontakt mes të dyjave.

Dua Lipa ka disa ditë që ndodhet në Brazil, pasi rinisi dhe turneun  e saj “Future Nostalgia” pas pak kohësh pushimesh.

Rita Ora, ishte e para e cila doli në skenë për t’i interpretuar disa prej hiteve të saj  më të njohura.

Më vonë e gjithë vëmendja e publikut u drejtua nga  Dua Lipa, e cila e solli një spektakël të vërtetë në këtë ngjarje muzikore.

Ajo doli në skenë me balerinët e saj, duke  interpretuar pothuajse të gjitha këngët e albumit “Future Nostalgia” dhe disa hite të vjetra si, “New Rules” dhe “Be The One”.