Dua Lipa konsiderohet në rrjet si “Cher” e brezit të saj. Cher reagon në Twitter!

Ikona e muzikës, Cher iu përgjigj një postimi në Twitter që e krahasonte atë me yllin e popit, Dua Lipa, e cila është gati gjysmë shekulli më e re se ajo.

Një fanse në Twitter shkroi: “Dua Lipa, Cher e gjeneratës sonë”, mbi një foto  të Duas që ka një ngjashmëri të dukshme fizike me artisten.

Ata kishin postuar një foto të dy këngëtareve krah për krah që duken jashtëzakonisht të ngjashme me flokë të drejtë e të gjatë të zinj dhe veshje të njejte  me shkëlqim.

Në  përgjigje të komentit, Cher, e cila festoi ditëlindjen e saj të 76-të në maj, shkroi: “Sa vite  janë në një gjeneratë”  bashkangjitur me një emoji’ mendueshëm .

Fotoja e Duas në postimin origjinal në Twitter ishte nga dukja e  saj në “Grammy” vitin e shkuar, ku shumë ekspertë e krahasuan atë me veshjen e Cheri-t në vitin 1974.