Regjisori 66 vjeçar Lars Von Trier diagnostikohet me Parkinson!

Regjisori i njohur danez, Lars Von Trier, i shquar për filma të tillë si:”Nymphomaniac” “Dancer in the Dark”, “Dogville” dhe “Melancholia”, është diagnostikuar me sëmundjen e Parkinsonit në moshën 66-vjeçare.

Kompania filmike e regjisorit kontrovers, “Zentropa”, e konfirmoi lajmin që Lars është diagnostikuar me çrregullimin neurodegjenerativ, por bëri të ditur se është në gjendje shpirtërore të mirë dhe po trajtohet për simptomat e tij.

Përmes një deklarate për mediat, “Zentropa” e informoi publikun se regjisori do ta përfundonte punën rreth sezonit të tretë dhe final të serialit të zhanrit horror, “The Kingdom Exodus”, i cili do ta ketë premierën botërore në festivalin e filmit në Venecia më 31 gusht.

Sidoqoftë, u bë e ditur se Lars von Trier do të realizojë konferenca të limituara për mediat, për ta promovuar filmin.