“Winamp” një gur i çmuar i së shkuarës rikthehet të luajë muzikë!

Ata që janë rritur në kohën kur epoka e internetit sapo kishte lindur, sigurisht e dinë se çfarë është Winamp, “luajtësi ” i preferuar i  muzikës  i cili në kohën e tij  nuk kishte konkurrencë.

Kjo pjesë e së shkuarës tani është “rikthyer në jetë”. Bëhet fjalë për versionin e ri në të cilin është punuar  per katër vite.

“Winamp ” u  prezantua  në vitin 1997, e shpejt u bë shumë i njohur.

Gjatë viteve pësoi shumë ndryshime,  përkrahte një sërë formatesh dhe përdoruesve iu ofronte mundësi  të ndryshme dhe vizualizime të listës muzikore.

Kulmin e popullaritetit e arriti në vitin 1999, ku kompania AOL e bleu për 80 milionë $.

Në vitin 2013 u përball me një krizë të madhe dhe u paralajmërua mbyllja e tij.

Pas versionit të vitit 2013, Winamp “shkoi në gjumë të përhershëm”, por në vitin 2018 nisën  të qarkullojnë thashethemet për versionin 5.8.

Shpejt u publikuan lajme në Winamp.com, dhe prej asaj  kohe është premtuar versioni i ri.

Disa ditë më parë është bërë e ditur se ka dalë Winamp 5.9 RCi Build 9999, që është hapi i parë drejt rikthimit të shërbimit muzikor.