Omicron, rriten shtrimet në spital. Ndryshojnë shenjat e sëmundjes

12/07/2022

Infektimet me COVID, i shtruar në spitalin Infektiv edhe një 17-vjeçar! I mituri pa sëmundje bashkëshoqëruese dhe i pavaksinuar - Shqiptarja

Vala e re e infektimeve nga nënvariantet e Omicron po rrit rastet e rënda dhe shtrimet në spital. 5 deri 8 urgjenca çdo ditë i drejtohen spitalit Covid, në QSUT.

Aktualisht, 30 pacientët e shtruar janë të moshave mbi 60 vjeç dhe me sëmundje të tjera shoqëruese, kryesisht diabet. Mjekët thonë se pacientët e shtruar raportojnë ta kenë kaluar edhe më parë koronavirusin. Ndërsa procesi i vaksinimit nuk është kryer i plotë.

Në këtë valë të re të koronavirusit, mjeket po vënë re ndryshime të shenjave të sëmundjes. Nënvariantet e Omicron nuk po prekin vetëm mushkërinë, por po shkaktojnë probleme edhe tek organet e tjera jetësore, tek zemra dhe truri.

Megjithatë, mjekët pohojnë se këto variante janë më të lehta sesa ato që kemi kaluar gjatë pandemisë. Nga 1 000 të infektuar në ditë, 5 deri 8 përfundojnë në spital. Edhe koha e qëndrimit në pavion ëhstë përgjysmuar, nga tri javë në 10 ditë.

Written by: Sasha Ndreka